I le maea ai o togafitiga

E galo i le fafine lona tiga
Pe a sapasapai o lana tama
Le puapuaga o le Faaola na faatauva’a
Aua sa i ona luma le oliolisaga
Onosa’i ona pau lava o le olaga
Fefiloi o mea lelei ma mea leaga
E suamalie le manuia
Pe a mavae o puapuaga o le olaga.
1st verse of an old Samoan song
Composer unknown

Ina ua uma togafitiga, e filifili lau fomai i taimi e te toe asiasi mai ai aua le fa’aauauina o au siaki. O le a fa’aitiitia taimi o nei siaki ma asiasiga pe a leai nisi fa’afitauli e toe feagai ma oe, pe ua solosolo lelei foi tulaga uma.

A woman walking with her baby. 

Siaki fa’aauau

O le toatele o tama’ita’i e vave maua le kanesa fa’atoa amata pe fa’atoa tupu foi, e tele lava ina manuia pe a vave ona togafiti, i le faia lea o le taotoga (surgery) po’o le fa’aaoga o ave o le uila (radiation treatment), fa’atasi ai ma le fa’aaogaina o vailaau (chemotherapy and hormone). I le uma ai o togafitiga, e te lagona le toe faifai malie mai o lou malosi. E taua ai le lava o lau malologa mo sina vaitaimi. E fuafua fo’i lou toe fa’atino o feau masani e talafeagai ma lou malosi. Ua maua i nisi o suesuega (research) o le toaga e fai fa’amalosi tino māmā ma fa’agaioi le tino, e lelei ma fesoasoani i i le vave ona toe fa’afoi o le malosi a’o feagai ma togafitiga. O le toatele o tama’ita’i ua mafai ona latou fa’atino nisi o galuega ma fa’agaioi le tino i ni nai vaiasao i le maea ai o le ta’otoga.

Tausiga o lou lima/āoāo

I le maea ai o lou taotoga, o le a oulua galulue ma se tasi o le aufaigaluega e faia fa’amalositino (physiotherapist), e fesoasoani ia toe maua le malosi atoatoa o lou lima i lou itu na taoto. E ono fula lou lima ona ua aveeseina ni lymph glands. Ae ona o le lelei o le fa’atinoina o taotoga po’o le fa’aaogaina o radiation treatment i aso nei, ua fa’aitiitia ai le tupu o nei tulaga (fula o le lima). E i ai lava nisi o tama’ita’i e tulai mai ai pea le tulaga o le fulafula o lima (lymphoedema) ina ua uma le taotoga. E taua ai le fa’aeteete mai le leua po’o le sao o se siama i le lima na taoto, ina ia aua ne’i tula’i mai nei tulaga.

Tatalo umi
Ua fiu le isi aulotu e tatali le tatalo a le latou faifeau. O le umi
ia o lenei tatalo. Na alu alu le tatalo ua toeititi atoa le ‘afa
itula, na valaau atu loa le isi tagata “Amene” Fai mai loa le
faifeau “Lena la, le upu lena ua leva ona ou tau mafaufau i ai.”

Aso Faraile Aso Sa
Na amata le lotu a le isi a aiga o le afiafi o le Aso Faraile.
Na faapea le toeaina “O le a sii atu le tapua’iga i le Atua
i lenei afiafi, sei tatou pese…” To a’e loa le pese a le olomatua.
“Le Aso Fiafia …” Faapea atu le toeaina. “O le Aso Faraile…
“Ae o lo’o alu pea le pese a le olomatua. “Le Aso Fiafia,
le Aso Faraile lenei …

 

Two women shopping with a breast form.

Fa’amaepaepa ane ia le tina pele
E tua ia te oe mana’oga e tele
O oe o le pae ma le auli
E mafola ai ni ma’anuminumi
O oe o le fa’afeagaiga
E tua i lau tofa loloto ni masei o aiga
O moomooga o lo’u nei agaga
Ia lava ni aso o le ta mafutaga
Fereni Ete

Susu fa’apipi’i

Afai sa e taoto e aveese lou susu (mastectomy), e taua ona e silafia po’o lou iloa vaega ua taua o susu fa’apipii (prosthesis). O susu fa’apipi’i ua faia fa’apitoa ina ia tumau ai pea le lalelei o le tama’ita’i, e le gata i lea itu ae fesoasoani fo’i i le paleni o le tino. Fesili i lau fomai na faia lou taotoga (surgeon) po’o le teine tausisoifua e vaaia oe mo se tusi e mafai ai ona e maua le fesoasoani mo ia vaega.