Fesili e ono fesili ai

  1. le a le ituaiga kanesa lea ou te maua ai?
  2. O le a le tele o le afaina ua o’o i ai lou kanesa?
  3. O le a le a le togafiti e te fautuaina mo lo’u kanesa, ae aisea foi?
  4. E i ai nisi togafiti e tatau ona ou iloa e fai mai ai la’u filifiliga?
  5. O a ni afaina e ono tulai mai i togafitiga nei?
  6. O le a le umi e fai ai nei togafitiga?
  7. Ou te manao i nisi manatu e ese mai i lou manatu. E mafai ona e fa’asinoina a’u i se tasi e ono aumai nisi manatu e ese mai i le togafiti o lo’o e fautua mai? (O lau aia tatau lea.)
  8. O le a le tau o nei togafitiga?
  9. E fa’afia ona fai a’u siaki ae o a fo’i mea e fai i nei siaki?
  10. Afai ou te filifili e le faia le togafitiga i le taimi nei po’o le lumanai, o a nisi o tautua e mafai ona ou maua ai se fesoasoani?
  11. E sosolo le kanesa lea ou te maua ai i le aiga?
  12. E mafai ona e ta’u mai ni tusi e uiga i le kanesa o le susu ou te faitau ai?
  13. E fa’ape’i foliga o le ma‛ila?
  14. E mafai ona fai so’u susu fa’apipi’i?
  15. O afea e mafai ai ona ou toe ave le taavale?
  16. O le a le tau o le susu-faapipii, e mafai ona ou maua fua lea fesoasoani?
  17. E fa’amata e ono fula ai lo’u lima?
  18. Afai e toe manaomia nisi togafitiga, o a nei togafitiga a’o afea e amata ai?
  19. E mafai ona ou toe fanauina nisi tamaiti?
  20. E ono afaina ai lou maitaga fa’a-masina ae o a ona afaina?
  21. E afaina ai tulga faaleulugalii i nei togafitiga?
  22. O afea e mafai ai ona ou toe foi i le galuega?

A aumai ni fa’amatalaga e te le malamalama ai, e mafai lava ona e toe saunoa atu:

“E mafai ona e toe saunoa mai i le vaega lea?”

“Ou te le mautinoa lelei le uiga o lau saunoaga.”

“E mafai ona e tusi i lalo pe tusi se ata fa’ata’ita’i le vaega lea?”

O le tusi lenei ua fa’apitoa mo tamaita’i ua maua i le kanesa o lecsusu e le’i sosolo. Mo kanesa ua sosolo, ua lomia e le Sosaiete a le Kanesa le tusi o le Secondary Breast Cancer/Matepukupuku Tuara ā-Ū: A guide for women with secondary breast cancer. E maua lea tusi i le tuatusi lea (www.cancer.org.nz) po’o le numera 0800 CANCER (226 237). O le lomiga o lenei tusi ua na o le gagana peretania o lo’o maua ai.