Fa’atomuaga

Ua saunia lenei tusi mo lou malamalama ma lou silafia i le gasegase o le kanesa o le susu, o vaega o itutinosa o tama’ita’i. I totonu o lenei tusi ua i ai ni fa’amatalaga e uiga i auga ma togafitiga o lenei gasegase, fa’apea ai ma ni auala e fesoasoani mo oe a’o feagai ai ma le mai, e le gata i le itu fa’aletino ae fa’apea foi le itu tau i le mafaufau.

I tausaga ua tuanai, sa fai lava si matuia o le fa’atinoina o le taotoga o le susu. Sa le gata ina lagona le fefe ae o le itu i le togafitiga sa fai fo’i lea ma fa’amata’u i tama’ta’i. A’o nei aso, i le i ai o masini mo suesuega, ua vave ai ona maua le susu ua afaina i le kanesa, ma ua ua fa’afaigofie ai ona fo’i ona fa’atino ni taotoga laiti i le saogsalemu ma le manuia.

E taua lou talatalanoa ma lau fomai i le togafitiga e talafeagai mo oe. O le fa’anaunauga o lenei tusi, ia fesoasoani e tali nisi o fesili po’o nisi vaega e te le o mautonu ai e uiga i lenei gasegase. Ua saunia le lisi o fesili e fesoasoani mo oe i ni fesili e te fia fesili ai i lau fomai.

Afai e aoga nei fa’amatalaga mo oe, e lelei ae fa’ailoa atu i nisi o ou aiga ma uo e te silafia e talafeagai ma aoga i ai lenei tusi.